ពិធីប្រគល់-ទទួលម៉ាស៊ីនបញ្ចាំងទិន្នន័យ Data Projector ជូនដល់ក្រសួងអប់រំ យុវជន និងកីឡា
05-November-2015 | ដោយ មួយឡា
ភ្នំពេញ៖ នៅទីស្ដីការក្រសួងអប់រំ យុវជន និងកីឡា នារសៀលថ្ងៃទី០៤ ខែវិច្ឆិកា ឆ្នាំ២០១៥ បានរៀបចំពិធីប្រគល់-ទទួលម៉ាស៊ីនបញ្ចាំងទិន្នន័យ (Data Projector) ដែលជាជំនួយឧបត្ថម្ភរបស់ក្រុមហ៊ុន Hitachi ដល់ក្រសួងអប់រំ យុវជន និងកីឡា។
ពិធីនេះ ប្រារព្ធធ្វើឡើងដោយមានអញ្ជើញចូលរួមពីឯកឧត្តម លោកជំទាវថ្នាក់ដឹកនាំក្រសួង ឯកឧត្តម លោកជំទាវសាកលវិទ្យាធិការ អគ្គនាយក លោក លោកស្រីប្រធាន ភ្ញៀវកិត្តិយសជាតិ អន្តរជាតិជាច្រើនរូបទៀត ក្រោមអធិបតីភាពឯកឧត្តម ពិត ចំណាន រដ្ឋលេខាធិការក្រសួងអប់រំ យុវជន និងកីឡា ។
ថ្លែងក្នុងពិធីនេះ ឯកឧត្តមរដ្ឋលេខាធិការ បានថ្លែងអំណរគុណដល់លោក Koichiro Nakamura អគ្គនាយកទីផ្សារ នៃក្រុមហ៊ុន Hitachi ដែលបានផ្តល់នូវឧបករណ៍ដ៏មានសារប្រយោជន៍នេះ ដើម្បីបំពេញតម្រូវការនិស្សិត សាស្ត្រាចារ្យក្នុងការលើកស្ទួយវិស័យអប់រំឲ្យបានល្អប្រសើរ ដែលការផ្តល់ជូននេះគឺស្របជាមួយនឹងទស្សនៈវិស័យរបស់ក្រសួងក្នុងការបង្ហាញ និងបង្កើនគុណភាពខ្ពស់នៃការផ្តល់នូវចំណេះដឹងយ៉ាងទូលំទូលាយ។
ក្នុងឱកាសនេះផងដែរ ឯកឧត្តមបានប្រគល់នូវឧបករណ៍ខាងលើនេះ ជូនដល់ក្រុមការងារសហភាពសហព័ន្ធយុវជនកម្ពុជា ក្នុងវិស័យអប់រំ យុវជន និងកីឡា ព្រមទាំងសាកលវិទ្យាល័យរដ្ឋចំនួន ០៤ រួមមាន៖ សាកលវិទ្យាល័យបាត់ដំបង សាកលវិទ្យាល័យមានជ័យ សាកលវិទ្យាល័យជាស៊ីម កំចាយមារ និងសាកលវិទ្យាល័យស្វាយរៀង៕
ប្រភព៖ ទំព័រក្រសួងអប់រំ យុវជន និងកីឡា
ចំនួនអ្នកទស្សនា
- ថ្ងៃនេះ2861
- ម្សិលមិញ15681
- សប្តាហ៍នេះ61701
- ខែនេះ83581
- ឆ្នាំនេះ83581
- សរុប20526037